Iadrolyq qaýipsizdik boıynsha oqý ortalyǵynyń basshysy Natalá Izmaılova Qazaqstannyń ǵylymı-tehnıkalyq áleýetine senimdi ekenin aıtty, dep habarlaıdy
Onyń aıtýynsha, AES úshin mamandardy nólden bastap daıyndaýdyń qajeti joq — munda onjyldyqtar boıy joǵary deńgeıdegi kásibı mamandardyń qatary qalyptasty.
Sarapshynyń pikirinshe, AES eldiń turaqty jáne qaýipsiz energıa júıesin qamtamasyz etip, ekologıalyq qaýipsizdikti kúsheıtedi.
"Iadrolyq energetıka úshin kadrlar máselesi óte mańyzdy, óıtkeni bul mamandar reaktorlardyń qaýipsiz jumysyna, ıaǵnı bizdiń qaýipsizdigimizge de tikeleı baılanysty bolady. Qazirgi ýaqytta bizde osyndaı mamandardy daıyndaý júrip jatyr. Qazaqstannyń atom salasynda qazirdiń ózinde 18 myńnan astam adam jumys isteıdi. Olardyń barlyǵy — úlken jumys tájirıbesi bar, joǵary bilikti mamandar", — dep atap ótti sarapshy.