Qazaqstan komersıalyq atom energetıkasynda jańa oıynshy bolýy múmkin, alaıda bul sala el úshin múldem tyń emes.
Atom energıasy jónindegi halyqaralyq agenttiktiń jobalyq menedjeri Chıraıý Batranyń aıtýynsha, Qazaqstan ýranǵa baı memleket retinde ulttyq ıadrolyq baǵdarlamany damytýǵa tolyqtaı qabiletti.
Onyń pikirinshe, elimizde ıadrolyq ǵylym men zertteý salasynda mol tájirıbe jınaqtalǵan, sondyqtan adamı resýrstardy damytý qıynǵa soqpaıdy.
«Qazaqstannyń atom energetıkasy salasynda tájirıbesi mol bolǵandyqtan, normatıvtik bazany ázirleý de ońaı júzege asady», – deıdi sarapshy. Sonymen qatar, halyqaralyq agenttiktiń nusqaýlary men talaptary da Qazaqstan úshin qoljetimdi ári jeńil oryndalady. Degenmen, Batranyń aıtýynsha, ulttyq ıadrolyq baǵdarlamany tabysty júzege asyrý úshin qoǵamdyq jáne saıası qoldaý qajet.
Qazaqstannyń baı ýran qory strategıalyq artyqshylyq bolyp sanalady. Sarapshynyń pikirinshe, bul resýrsty durys paıdalaný arqyly eldegi energıa qoryn arttyrýǵa múmkindik mol. Biraq atom qýatynyń artyqshylyqtary men táýekelderin halyqqa ashyq túrde túsindirý mańyzdy.