Keı óńirlerde qatty jaýyn-shashyn bolady.
Tótenshe jaǵdaılar mınıstrligi elimizdiń 6 oblysynda daýyldy eskertý jarıalady, dep habarlaıdy Almaty-akshamy.kz mınıstrliktiń Telegram arnasyna silteme jasap.
13-14 qarashada Qostanaı oblysynda jaýyn-shashyn, batysta, oblystyń ortalyǵynda qatty jaýyn-shashyn (jańbyr, qar) kútiledi. Boran, kóktaıǵaq bolady. 13 qarasha oblystyń soltústiginde tuman boljanady. Jel ońtústik-batys, batys baǵytynda 15-20 m/s soǵady, ekpini 23-28 m/s. Sol kúni oblystyń ońtústiginde, shyǵysynda keıde 30 m/s nemese odan da artyq jyldamdyqpen jel soǵady.
13-14 qarashada Soltústik Qazaqstan oblysynda jaýyn-shashyn, 14 qarashada soltústikte, batysta qatty jaýyn-shashyn (jańbyr, qar) kútiledi. Boran, kóktaıǵaq bolady. Jel ońtústik-batys baǵytynda 15-20 m/s soǵady, ekpini 23-28 m/s, kúndiz 13 qarashada oblystyń ońtústiginde keıde 30 m/s jáne odan da artyq jyldamdyqpen soǵady.
13-14 qarashada Aqmola oblysynda jaýyn-shashyn, 14 qarashada oblystyń soltústiginde, batysynda qatty jaýyn-shashyn (jańbyr, qar) kútiledi. Boran, kóktaıǵaq bolady. Jel ońtústik-batys baǵytynda 15-20 m/s soǵady, ekpini 23-28 m/s, 13 qarashada kúndiz, 14 qarashada túnde oblystyń soltústiginde, shyǵysynda keıde 30 m/s jáne odan da artyq jyldamdyqpen soǵady.
14-15 qarashada Qaraǵandy oblysynda jaýyn-shashyn, oblystyń soltústiginde qatty jaýyn-shashyn (jańbyr, qar) kútiledi. Boran, kóktaıǵaq bolady. Jel ońtústik-batys baǵytynda 15-20 m/s soǵady, ekpini 23-28 m/s, 14 qarashada, 15 qarashaǵa qaraǵan túni soltústikte keıde 30 m/s nemese odan da artyq jyldamdyqpen soǵady.
14 qarashada Pavlodar oblysynda jaýyn-shashyn, boran, kóktaıǵaq kútiledi. Ońtústik-batys baǵytyndaǵy jel 15-20 m/s soǵady, ekpini 23-28 m/s, oblystyń ońtústiginde keıde 30 m/s jáne odan da artyq jyldamdyqpen soǵady.
14-15 qarashada Jambyl oblysynda jaýyn-shashyn, 15 qarashada oblystyń soltústiginde, ońtústiginde, taýly aýdandarynda qatty jaýyn-shashyn (jańbyr, qar) kútiledi. Soltústikte, oblystyń taýly aımaqtarynda tuman, kóktaıǵaq bolady. Ońtústik-batysta, soltústik-shyǵysta jel ońtústik-batys baǵytynda, oblystyń taýly aýdandarynda 15-20 m/s, ekpini 23-28 m/s, 14-i kúni tańerteń jáne kúndiz, 15 qarashada táýlik boıy keıde 30 m/s jáne odan da artyq jyldamdyqpen soǵady.