UQK Almaty qalasy boıynsha departamenti «Januıa» balalar úıine qamqorlyq kórsetti
Ulttyq qaýipsizdik komıtetiniń (UQKD) Almaty qalasy boıynsha departamentiniń qyzmetkerleri «Januıa» balalar úıine turaqty túrde qoldaý kórsetip otyrady, - dep habarlaıdy almaty-akshamy.kz
Osylaısha, jaqyn kúnderi anımasıalyq fılm kórý úshin balalar úıiniń 30 tárbıelenýshisine kınoteatrǵa arnaıy saıahat uıymdastyryldy. Odan keıin balalarǵa túski as pen táttiler berilip, oıynshyqtar men qajetti maýsymdyq kıimder tabys etildi.
«Biz barlyq qyzmetkerlerge, eriktilerge jáne Ulttyq qaýipsizdik komıtetiniń basshylyǵyna alǵys aıtamyz. Mundaı qoldaý men túsinistik árbir tárbıelenýshimiz úshin óte qajet. Balalarymyz úshin jasalǵan mereke úshin óte qýanyshtymyz, ári rızashylyǵymyzdy bildiremiz», - dedi balalar úıiniń basshylyǵy.
«Januıa» kesheniniń negizi 1999 jyly 350 tárbıelenýshige arnalyp qalanǵan. Bul jetim balalar men múmkindigi shekteýli balalarǵa arnalǵan balabaqsha men túzetý mektebin qamtıtyn arnaıy balalar úıi. Munda oqytý men tárbıeleý júıesi arnaıy túzetý baǵdarlamalary boıynsha júrgiziledi. Balalardy tárbıeleýde tájirıbeli pedagogtar men psıhologtar kómektesedi.