2024 jyldyń 10 aıynyń qorytyndysy boıynsha magıstraldyq munaı qubyrlary júıesi boıynsha munaıdy tasymaldaý kólemi 57,8 mln tonnany qurady.
Tasymaldanatyn munaıdyń 26%-dan astamy nemese 15,1 mln tonna otandyq MÓZ-ge jetkizildi, dep habarlaıdy aqshamnews.kz.
Energetıka mınıstrliginiń málimetinshe, Kaspıı qubyr konsorsıýmynyń qubyry arqyly shamamen 46,3 mln.tonna munaı tasymaldandy.
«Atyraý-Samara» ýchaskesi boıynsha munaı tasymaldaý kólemi shamamen
7,2 mln. tonnany qurady. 2024 jyldyń qańtar-qazan aılarynda Germanıaǵa 1,2 mln tonna qazaqstandyq munaı jiberildi.
10 aıdyń qorytyndysy boıynsha Aqtaý portynan 3,1 mln. tonnadan astam munaı tasymaldandy, onyń ishinde Mahachkala portynyń baǵyty boıynsha 1,6 mln.tonna munaı jóneltildi, «Baký – Tbılısı – Djeıhan» munaı qubyry baǵytynda 1,2 mln. tonna jóneltildi.
«Atasý – Alashankoý» munaı qubyrynyń baǵyty boıynsha 1 mln tonnadan astam munaı tasymaldaý júzege asyryldy.
Sondaı-aq 10 aıdyń qorytyndysy boıynsha QR aýmaǵy arqyly munaı tranzıti 8,4 mln.tonnany qurady, onyń ishinde Reseı Federasıasy – Qytaı Halyq Respýblıkasy baǵyty boıynsha 8,2 mln. tonna, Reseı Federasıasy-Ózbekstan Respýblıkasy 217 myń tonna munaı.
Qazaqstandyq munaı Italıa, Nıderlandy, Qytaı, Koreıa Respýblıkasy, Rýmynıa, Fransıa, Gresıa, Túrkıa, Sıngapýr, Germanıa jáne t.b. elderge eksporttalady.