«Ózderin Petropavl turǵyndarymyz» dep tanystyrǵan toptyń quramynda 19 adam bar.
Olar Qazaqstannan «táýelsizbiz» dep málimdeme jasap, Halyq Keńesi qurylǵanyn jarıalady. Olar Qazaqstan Respýblıkasyn «korporasıa» dep atap, onyń quqyqtyq negizderin joqqa shyǵarady, dep habarlaıdy Almaty-akshamy.kz Ulysmedia.kz-ke silteme jasap.
Áleýmettik jelide 19 adamnan turatyn adamnyń jınalys ótkizip jatqan vıdeosy tarady.
«Biz azat jáne erkin halyqpyz, erler men áıelder, SQO Petropavl qalasynyń turǵyndary Qazaqstan Respýblıkasy korporasıasynyń quqyqtyq negiziniń jalǵandyǵyna, halyqtyń ómirine qolaısyz jaǵdaılar týǵyzýyna, sonymen qatar, onyń agentteriniń áreketke qabiletsizdigi men abyroısyzdyǵyna baılanysty ıgiligimiz ben resýrstarymyzdy basqarý júıesiniń barlyq quryltaıshysy men qyzmetshilerine tolyq senimsizdik bildiremiz. Biz halyq, óz táýelsizdigimiz ben egemendigimizdi jarıalaımyz», - deıdi qatysýshylar áleýmettik jelilerde taraǵan beınede.
Jınalǵandar ózin «Uly Otan soǵysynda jeńip shyqqan batyrlardyń urpaǵymyz» dep ataıdy.
QazTAG agenttigi SQO polısıa departamentine silteme jasaı otyryp, vıdeoda otyrǵan kisilerdiń ústinen qylmystyq is qozǵalǵanyn habarlaıdy.