Halyqpen dástúrli kezdesý offlaın rejıminde ótti.
Almaty qalalyq polısıa departamentiniń bastyǵy Arystanǵanı Zapparov qala turǵyndary men qonaqtaryn krımınogendik jaǵdaı týraly habardar etti, dep habarlaıdy Almaty-akshamy.kz Polisia.kz-ke silteme jasap.
Basqarma basshysynyń aıtýynsha, qylmys birshama azaıǵan.
«Statısıka úshin aıta keteıin, buryn kún saıyn 120 qylmys tirkelse, jyl sońynda bul kórsetkish táýligine 66 qylmysty qurady. Osylaısha, qylmystyń barlyq túrleriniń tirkelýiniń 45%-ǵa turaqty tómendeý úrdisi baıqalady. Asa aýyr qylmystar, ınternet-alaıaqtyq, bopsalaý, senip tapsyrylǵan múlikti ıemdený jáne jymqyrý, qalta urlyǵy jáne avtokólik ishinen urlyq jasaý azaıdy. Biz kún saıyn qaladaǵy qylmystyq ahýalǵa taldaý jasaımyz jáne osyny eskere otyryp, polısıanyń modýldik beketterin quqyq buzýshylyqtar kóp oryn alatyn oryndarǵa kóshiremiz», – dedi Arystanǵanı Zapparov.
Spıkerdiń aıtýynsha, arnaıy analıtıkaǵa súıene otyryp, biz kún saıyn polısıa men Ulttyq ulannyń jeke quramynan 800 adamdy jumyldyryp, jetý qıyn jerlerge jáne aýlalarǵa jaıaý patrúldeý qyzmetin atqaramyz.