Qazaqstanǵa resmı saparmen Vengrıa Premer-mınıstri Vıktor Orban keldi, dep habarlaıdy almaty-akshamy.kz
Sapar barysynda eki jaqty saýda-ekonomıkalyq, ınvestısıalyq jáne mádenı-gýmanıtarlyq baılanysty odan ári keńeıtýge qatysty kelisóz júredi. Sarapshylardyń aıtýynsha, tamyrlas elder tabysty yntymaqtastyqqa múddeli.
Qazaqstan men Majarstannyń berik baılanysyn tarıhtyń ózi biz úshin sheship qoıǵan. Álimsaqtan túrkilerdiń urpaǵy sanalatyn majarlarmen dilimiz ben mádenıetimiz uqsas. Qazaqstan táýelsizdik alǵannan keıin de Vengrıa alǵashqylardyń biri bolyp strategıalyq seriktestik týraly Deklarasıaǵa qol qoıdy. Dıplomatıalyq qarym-qatynas 1992 jyly 2 sáýirde bastaldy. Sodan beri saýda-ekonomıkalyq baılanys belsendi damyp, túrli salada yntymaqtastyqqa qol jetti.
Bıyl Qazaqstan men Majarstannyń taýar aınalymy shamamen 25 paıyzǵa ósip, 130 mln dollarǵa jýyqtady. 2005 jyldan beri majarlar ekonomıkamyzǵa 318 mln dollar ınvestısıa saldy. Qazaqtyń qaltalylary da tamyrlas elge az-maz qarjy quıyp otyr. Ekonomıserdiń paıymynsha, sapar kezinde munaı jáne bilim salasyndaǵy yntymaqtastyqqa basymdyq beriledi.