Buryn qol qoıylǵan kelisim sheńberinde Comirnaty Pfizer/BioNTech vaksınasynyń 4 mln.dozasy satyp alyndy.
Keshe túnde Qazaqstanǵa Pfizer vaksınasynyń alǵashqy partıasy jetkizildi, dep habarlaıdy Almaty-akshamy.kz COVID-19 taralýyna jol bermeý jónindegi VAK-qa silteme jasap.
«Qazaqstanǵa jetkizilgen «Pfizer» vaksınasy tek 12 jasqa tolǵan balalarǵa arnalǵan. Odan tómen jastaǵylarǵa salýǵa bolmaıdy», -delingen habarlamada.
Comirnaty-amerıkandyq Pfizer kompanıasy men Germanıanyń BioNTech tehnologıalyq kompanıasy shyǵarǵan RNQ-ǵa negizdelgen matrısalyq vaksınanyń (mRNQ) saýda ataýy. Vaksınasıa kýrsy 21-28 kún aralyǵymen engiziletin eki dozadan turady. Jetkizilgen dozalar Qazaqstan halqyn jappaı vaksınasıalaýdy aıaqtaýǵa múmkindik beredi. Bul Qazaqstanda tirkelgen altynshy vaksına.
Biryńǵaı dıstrıbútor kelip túsken vaksınany densaýlyq saqtaý mınıstrliginiń bólý kestesine sáıkes jedel tártippen óńirlerge jetkiziledi. Aldaǵy kúnderi el azamattaryna koronavırýstyq ınfeksıaǵa qarsy vaksınasıalaý úshin qoljetimdi bolady.