QR Ónerkásip jáne qurylys mınıstrligi turǵyn úı jaǵdaılaryn jaqsartý úshin birjolǵy zeınetaqy tólemderin paıdalanýdyń qoldanystaǵy erejelerine ózgerister engizýdi usynady.
Aǵymdaǵy jyldyń 1 qańtaryndaǵy jaǵdaı boıynsha 135 myńǵa jýyq azamat óz qarajatyn birjolǵy zeınetaqy tólemderinen «Otbasy bank» AQ depozıtterine jumsady jáne osy ýaqytqa deıin ıpotekalyq turǵyn úı qaryzdaryn resimdegen joq, dep habarlaıdy Almaty-akshamy.kz.
«Otbasy bank» AQ aqparaty boıynsha turǵyn úı zaemyn alý úshin qajetti bastapqy jarnany jınaqtaýdyń ortasha merzimi alty jyldy quraıdy.
Osyǵan baılanysty, Mınıstrlik azamattardyń turǵyn úı jaǵdaılaryn jaqsartý maqsatynda «Otbasy bank» AQ depozıtterinde BJT qarajatyn jınaqtaý merzimin 3 jyldan 8 jylǵa deıin ulǵaıtýdy usynady.
Budan basqa, erli-zaıyptylarǵa «Otbasy banki» AQ depozıtterin bir-birine BJT qarajatymen tolyqtyrýǵa múmkindik berý usynylady.
Sondaı-aq, buıryq jobasymen turǵyn úı qurylysy jınaqtary týraly «Otbasy bank» AQ-men shart buzylǵan kezde BJT-men tolyqtyrylǵan soma alýshynyń arnaıy shotyna qaıtarylady, ol 20 jumys kúni ishinde osy qarajatty turǵyn úı jaǵdaılaryn jaqsartýǵa paıdalana alady nemese emdeýge birjolǵy zeınetaqy tólemderin paıdalaný qaǵıdalaryna sáıkes emdeýge jibere alady (2021 jylǵy 15 aqpandaǵy № QR DSM-18 Mınıstrdiń buıryǵy).
Turǵyn úı jaǵdaılaryn jaqsartý úshin birjolǵy zeınetaqy tólemderin paıdalanýdyń qoldanystaǵy erejelerine josparlanǵan túzetýler NQA ashyq derekter portalynda talqylanýda. Barlyq eskertýler men usynystar qabyldanǵannan keıin buıryq jobasy múddeli memlekettik organdarǵa kelisýge jiberiletin bolady. Barlyq kelisý prosesi shamamen eki aıǵa sozylady.
Anyqtama: birjolǵy zeınetaqy tólemderine arnalǵan arnaıy shottar (arnaıy shot) – turǵyn úı jaǵdaılaryn jaqsartý jáne (nemese) emdelýge aqy tóleý maqsatynda BJZQ-dan birjolǵy zeınetaqy tólemderin esepteý úshin alýshy ashatyn aǵymdaǵy banktik shot.