Memleket basshysy Qasym-Jomart Toqaevtyń shaqyrýymen Qazaqstanǵa Germanıanyń Federaldy Prezıdenti Frank-Valter Shtaınmaıer memlekettik saparmen keldi, dep habarlaıdy almaty-akshamy.kz
Asa mártebeli meımandy Astana áýejaıynda QR Premer-Mınıstri Álıhan Smaıylov qarsy aldy.
Sapar aıasynda eki memleket basshylary Qazaqstan-Germanıa strategıalyq seriktestigin nyǵaıtý máseleleri boıynsha kelissóz júrgizip, onyń qorytyndysy boıynsha birqatar ekijaqty qujattarǵa qol qoıady dep josparlanǵan.
Sonymen qatar Germanıa Federaldy Prezıdenti Qazaqstan jáne Germanıa ýnıversıtetteri rektorlarynyń forýmynda sóz sóılep, Qazaqstan Prezıdentimen birge qazaq-german bıznes forýmyna qatysady dep kútilýde.
Budan bólek, memlekettik sapar aıasynda Frank-Valter Shtaınmaıer Mańǵystaý oblysyna barady. Onda Qazaqstan-Germanıa ınjenerlik ınstıtýtynyń ashylýyna jáne Svevind shved-german kompanıasynyń jasyl sýtegi óndiretin zaýytynda synama burǵylaý jumystaryn iske qosý rásimine qatysady.