Ár sheteldik týrıs 2 jumys ornyn ashýǵa sep bolady.
Qazaqstanǵa alys shet elden kelgen árbir týrıs orta eseppen 1500 dollar tabys ákeledi, dep habarlaıdy Almaty-akshamy.kz Mádenıet jáne sport mınıstrliginiń baspasóz qyzmetine silteme jasap.
Byltyr týrısik qyzmetterden el qazynasyna rekordtyq 389 mlrd teńge salyq túsken.
Ulttyq banktiń deregine sáıkes Qazaqstanǵa alys shet elden kelgen 1 týrıs orta eseppen 1500 dollar mólsherinde tabys ákeledi.
"Elimizde sońǵy eki jylda týrızm salasynda jumys isteıtinderdiń sany aıtarlyqtaı ósip, 500 myńǵa jýyqtady. Mádenıet jáne sport mınıstrligi 2029 jylǵa deıin týrızm salasynda 800 myńǵa jýyq adamdy jumyspen qamtýdy josparlap otyr",- dedi mádenıet jáne sport vıse-mınıstri Erjan Erkinbaev.
Mınıstrliktiń aqparatynsha, byltyr elimizge 1 mıllıonǵa jýyq sheteldik týrıs kelgen. Nátıjesinde týrısik qyzmetten túsken salyq mólsheri 389 mıllıard teńgege deıin jetip, rekordtyq nátıje tirkeldi. Onyń ishinde elimizdegi ornalastyrý oryndary 183 mlrd teńge tabys tapty.