Bul jaıynda úsh el kelisimge keldi, dep habarlaıdy aqshamnews.kz sý resýrstary jáne ırrıgasıa mınıstrligine silteme jasap.
Qazaqstannyń sý resýrstary jáne ırrıgasıa mınıstri Nurjan Nurjigitov, sondaı-aq Tájikstan men Ózbekstannyń sý vedomstvolarynyń basshylary 2025 jyldyń maýsymynan tamyzyna deıin "Bahrı Tochık" sý qoımasyn birlesip paıdalaný jónindegi hattamaǵa qol qoıdy.
"Biz úshin eń mańyzdy baǵyttardyń biri – úsh el arasyndaǵy yntymaqtastyqty nyǵaıtý. Qazaqstan sý resýrstaryn basqarý boıynsha birlesken jobalardy júzege asyrýǵa, sondaı-aq halyqaralyq sý quqyǵy qaǵıdattaryn ilgeriletýge umtylady. Sý – jaı ǵana tabıǵı resýrs emes, ol – turaqty damý men óńirlik turaqtylyqtyń quraly. Biz tek yntymaqtastyq arqyly ǵana klımattyq syn-qaterlerge tıimdi qarsy tura alamyz", – dedi sý resýrstary jáne ırrıgasıa mınıstri Nurjan Nurjigitov.
Vegetasıalyq kezeńniń eń qyzǵan ýaqytynda Qazaqstanǵa 491 mln tekshe metr sý jiberiledi dep kútilip otyr. Qujatta sý qoımasynyń jumys kestesi kórsetilgen. Ol úsh el arasyndaǵy sýdy tıimdi ári teńdeı bólýge baǵyttalǵan. Mınıstrlerdiń kezdesýi men hattamaǵa qol qoıý rásimi Dýshanbede, muzdyqtardy qorǵaý jónindegi halyqaralyq konferensıa aıasynda ótti.