21 qazannan bastap turǵylyqty jeri boıynsha tirkeýi joq azamattarǵa SMS-habarlama jiberiledi.
İİM 21 qazannan bastap turǵylyqty jeri boıynsha tirkeýi joq azamattarǵa SMS-habarlamalardy jiberýdi bastady, dep habarlaıdy Almaty-akshamy.kz
«Eger osyndaı SMS-habarlama kelip túsken bolsa, onda İİM derekqorynda sizdiń tirkelýińiz týraly málimet joq. Sondyqtan sizge turǵylyqty jerińiz boıynsha tirkelý qajet. Mundaı habarlamalardy jiberýdiń maqsaty naqty turatyn jeri boıynsha tirkeýsiz turýǵa baılanysty ákimshilik quqyqbuzýshylyqtardyń aldyn alý, sondaı-aq áleýmettik-ekonomıkalyq turǵydan osal azamattarǵa qosymsha qarjylyq júktemeni azaıtý (ákimshilik jaýapkershilikke tartýdy boldyrmaý úshin)», - delingen habarlamada.
Búginde turǵylyqty jeri boıynsha tirkeýsiz turǵany úshin 10 kúnnen 1 aıǵa deıin eskertý túrinde ákimshilik jaýapkershilik, 1 aıdan asa ýaqytqa 7 aılyq eseptik kórsetkish nemese 21 441 teńge mólsherinde aıyppul qarastyrylǵan («Ákimshilik quqyq buzýshylyq týraly» Qazaqstan Respýblıkasy Kodeksiniń 492-baby).
Qazirgi ýaqytta turǵylyqty jeri boıynsha tirkeý qyzmeti «Elektrondyq úkimet» portalynda qoljetimdi. Ózińizdiń turǵylyqty jerińiz boıynsha tirkelýińizdi portaldaǵy «jeke kabınette» (eGov.kz) nemese eGov mobile mobıldi qosymshasynda teksere alasyz.