Bul byltyrǵy kórsetkishke negizdelgen statısıka.
QR Mádenıet jáne aqparat mınıstrligi halyqtyń oqý belsendiligi týraly statısıkalyq derek keltirdi, dep habarlaıdy aqshamnews.kz
Vedomstvo 2023 jylǵy damý kórsetkishteri týraly esebinde eldegi kitapqumarlar sanyna toqtaldy. Mınıstrlik mamandary qazaqstandyqtardyń kitaphana qyzmetin paıdalanýdy kóbeıtkenin anyqtap otyr. Mysaly, 2023 jyly halyqtyń sany 20 033 546 adam bolsa, onyń 2 490 156-sy – 4 jasqa deıingi balalar. Sondyqtan olar esepke alynbaǵan. Qalǵan 17 984 390 adamnyń 5 738 039-y kitaphanalardyń qyzmetin paıdalanypty.
«2023 jyly elimizdegi kitaphanalarda 153 472 is-shara ótkizildi. Ol is-sharalar 5 738 039 paıdalanýshyny qamtyp, halyqtyń oqý belsendiligi 31,3%-ǵa jetti», – dep jazylǵan resmı habarlamada.
Statısıkalyq derekter elimizde 9,5 myńnan astam kitaphanashy jáne 73 mıllıonǵa jýyq kitap bar ekenin rastaıdy. Sondaı-aq jyl saıyn álemniń 110 elinen paıdalanýshylar elektrondy kitaptar men qujattar qyzmetine júginedi.