Qazaqstandyqtarda eGov Mobile-dan jeke kýáliktiń sıfrlyq nusqasyn Samsung Wallet elektrondyq ámıanyna ornalastyrý múmkindigi paıda boldy. Jobany Sıfrlyq damý, ınovasıalar jáne aeroǵarysh ónerkásibi mınıstrligi, «Ulttyq aqparattyq tehnologıalar» AQ jáne Samsung Electronics Central Eurasia kompanıasymen birlesip pılottyq rejımde iske qosty, dep habarlaıdy aqshamnews.kz.
Samsung Wallet-tegi sıfrlyq jeke kýálik – bul jeke derekterdi saqtaýdyń yńǵaıly jáne qaýipsiz ádisi. Azamattar fızıkalyq tasymaldaýshyny joǵaltýdan nemese urlatýdan qoryqpaı, óz qujattaryn birden sıfrlyq túrde usyna alady. Barlyq derekter jeke aqparatty senimdi qorǵaýdy qamtamasyz etetin kópdeńgeıli qaýipsizdik júıesimen qorǵalǵan.
Bul fýnksıa Egov Mobile qoldanbasy ornatylǵan Samsung smartfondarynyń paıdalanýshylary úshin qoljetimdi.
Qujattardy qosý úshin paıdalanýshyǵa:
- Egov Mobile qoldanbasynda avtorızasıa jasap, «Sıfrlyq qujattar» servısine ótý kerek,
- «Jeke kýálik» sıfrlyq qujatyn ashý jáne «Samsung Wallet ámıanyna qosý» batyrmasyn basý kerek,
- derbes derekterdi óńdeý týraly kelisimmen tanysý, olardy óńdeýge óz kelisimin berý jáne oǵan ESQ arqyly «Qol qoıý» qajet.
Sıfrlyq kýáliktiń aqparattar bóliminde kórsetilgen jaramdylyq merzimi azamattyń fızıkalyq jeke kýáliginde kórsetilgen merzimge sáıkes keletin bolady. Eger ýaqyt óte kele kýáliktegi aqparat ózgerse, onda paıdalanýshy aǵymdaǵy Sıfrlyq kýálikti óshirip tastap, fızıkalyq kýálikti qaıta shyǵarǵan kezde ony jańartý úshin qaıta qosa alady.