Din salasyndaǵy memlekttik saıasatty qoldaýshylar úlesi 87,6% qurap otyr.
Qazaqstanda arnaıy zertteý júrgizilip, memleket azamattarynyń din saıasatyna degen kózqarasy anyqtalǵan. Bul zertteýdiń nátıjesinde qazaqstandyqtardyń 87% astamy osy eldegi din salasyndaǵy saıasatty qoldaıtynyn anyqtalǵan. Bul týraly astanada ótken baspasóz máslıhaty barysynda QR AQDM Din isteri komıtetiniń tóraǵasy Erjan Núkejanov aıtty, dep habarlaıdy Almaty-akshamy.kz.
Komıtet pandemıa kezinde ınternet keńistikte dinı ekstremızmniń aldyn alý boıynsha jumystardy kúsheıtýge erekshe nazar aýdaryp otyr. Aǵymdaǵy jyldyń birinshi jartyjyldyǵynda aqparattyq keńistikte 62 myńnan astam materıal ázirlenip, jarıalandy. Bul, ótken jylmen salystyrǵanda, eki ese kóp nátıje.
Sonymen qatar, jergilikti atqarýshy organdarmen júrgizilgen keshendi jumystardyń nátıjesinde 84 myńnan astam adam áleýmettik jelilerdegi radıkaldy nasıhat kózderinen shyǵarylǵan.
««Jýsan» gýmanıtarlyq operasıasy aıasynda terorıstik belsendi aımaqtardan oralǵan áıelderdiń 96%-y radıkaldy kózqarastarynan bas tartyp, qoǵamǵa beıimdelýi vedomstvonyń atqarǵan júıeli jumystarynyń mańyzdy nátıjeleriniń biri bolyp otyr», – delingen Aqparat jáne qoǵamdyq damý mınıstrliginiń baspsóz qyzmetiniń habarlamasynda.
Sondaı-aq, Erjan Núkejanov Dinı qyzmet salasyndaǵy zańnamany jetildirý jónindegi jumystarǵa toqtaldy. Aldaǵy ýaqytta komıtet tarapynan dinı birlestikterdi tirkeý jáne dinı rásimderdi ótkizý máselelerin ońtaılandyrýdy kózdeıtin túzetýler engizý josparlanýda.
