Qazaqstanda azyq-túlikke jumsalatyn shyǵyn 14 paıyzǵa ósti.
2023 jyldyń ekinshi toqsanynda úı sharýashylyqtarynyń azyq-túlik pen alkogólsiz sýsyndarǵa jumsaǵan shyǵyndary 13,9%-ǵa ósip, 421,1 myń teńgeni qurady, dep habarlaıdy almaty-akshamy.kz Finprom.kz-ke silteme jasap
Bul shyǵyndardyń azyq-túlik taýarlaryna jumsalǵan barlyq shyǵyndardaǵy úlesi 92%-dy, jalpy tutyný shyǵyndarynan 52%-dy qurady.
Salystyrý úshin: ótken jyldyń sáıkes kezeńinde azyq-túlik pen alkogólsiz sýsyndarǵa jumsalǵan shyǵyn 369,8 myń teńgeni qurady, bul bir jyl burynǵydan 9,6%-ǵa artyq.
Óńirler boıynsha azyq-túlik pen alkogólsiz sýsyndarǵa eń kóp shyǵyn Túrkistan oblysynyń turǵyndary arasynda tirkeldi: toqsanyna 557,5 myń teńge – bir jyl burynǵydan 13,9%-ǵa artyq.
Tamaqqa kóp aqsha jumsaıtyn óńirlerdiń “bestigine” sonymen qatar Mańǵystaý oblysy (551,6 myń teńge, plús 10%), Atyraý oblysy (512,4 myń teńge, plús 14,5%), Ulytaý oblysy (502,5 myń teńge, plús 30%) jáne Almaty oblysy (484,3 myń teńge plús 7,6%) kirdi.
Azyq-túlik pen alkogólsiz sýsyndarǵa shyǵyndardyń jyl saıynǵy eń úlken ósimi Ulytaý oblysynda, eń azy - Pavlodar oblysynda baıqaldy.
Turǵyndardyń azyq-túlik jáne alkogólsiz sýsyndarǵa jumsaǵan shyǵyndarynyń qurylymynda eń kóp úlesti (33,4%) et jáne et ónimderi alyp otyr: respýblıka boıynsha ortasha kórsetkish - 140,6 myń teńge. Bul ótken jylmen salystyrǵanda 14,7%-ǵa artyq.
Ekinshi qatarda nan ónimderi men jarma ónimderi tur: 64,5 myń teńge, plús 15%. “Úshtikti” sút ónimderi japty - qazaqstandyqtar olarǵa 44,7 myń teńge jumsady, bul 2022 jyldyń ekinshi toqsanymen salystyrǵanda 21,4%-ǵa kóp.
El turǵyndary jemis-jıdekterge 35,1 myń teńge, kókónis satyp alýǵa 34,3 myń teńge, qant, kondıterlik ónimder men táttilerge 28,1 myń teńge, maıǵa 22,7 myń teńge, alkogólsiz sýsyndar men balyq,teńiz ónimderine 17,6 myń teńge, jumyrtqaǵa - 9,1 myń teńge jumsady.