Elimizde 2027 jylǵa qaraı qosymsha 20 jańa sý qoımasy salynady.
Qoldanystaǵy gıdrotehnıkalyq nysannyń 15-i bastan-aıaq qaıta jańǵyrtylady. Bul týraly salaǵa jaýapty mınıstrlik málim etti, dep habarlaıdy almaty-akshamy.kz. Jumys jospary eki bólimnen turady. Aldymen Jambyl, Almaty, Aqmola, Batys Qazaqstan oblystaryna 1,7 tekshe kılometr tirshilik nárin jınaıtyn 8 sý qoımasyn salý kózdelgen. Keıin, Aqtóbe, Qyzylorda, Shyǵys Qazaqstan jáne Qaraǵandy óńirlerinde 12 nysannyń qurylysy júredi. Qazir smetalyq qujat ázirlenip jatyr. Sý kodeksi qaıta redaksıalanady. Osy arqyly sýdyń «qara naryǵyn» joıý jónindegi sharalar kúsheıtiledi. Zań buzýshylyqtar úshin jaýapkershilik qatańdatylady. Sonymen qatyr, sý resýrstarynyń aqparattyq ortalyǵy qurylady.
Bul - salaǵa qatysty barlyq derekterdi avtomatty rejımde usynýǵa, gıdro meteorologıalyq monıtorıń júıesi negizinde sý tasqyny jaǵdaılaryn modeldeýge, transshekaralyq sý obektileri boıynsha derekterdi taldaýǵa múmkindik beredi.