Áleýmettik zertteý 15-24 naýryzy aralyǵynda júrgizilgen.
QR Prezıdenti janyndaǵy Ortalyq komýnıkasıalar qyzmeti naýryz aıynda qazaqstandyqtardyń qoǵamdyq kóńil-kúıin taldaý maqsatynda áleýmettik zertteý júrgizdi, dep habarlaıdy Almaty-akshamy.kz QazAqparatqa silteme jasap.
Saýalnama nátıjesi boıynsha suralǵandardyń 70 paıyzdan astamy Prezıdent Qasym-Jomart Toqaevtyń qyzmetine oń qaraıtynyn aıtqan. Bul rette respondentterdiń 67,4 paıyzynyń Toqaevqa qarym-qatynasy sońǵy saılanǵannan keıin jaqsarǵan.
Respondentterdiń kópshiliginiń (42,1%) pikirinshe, Prezıdent, eń aldymen, azamattardyń quqyqtary men bostandyqtaryn qamtamasyz etýge nazar aýdarýy kerek, bul eldegi sońǵy qańtar oqıǵalaryna baılanysty bolýy múmkin.
Bul rette otandastarymyzdyń 41,4%-yn jalaqy, zeınetaqy jáne járdemaqy deńgeıin kóterý máselesi tolǵandyrady.
Respondentterdiń 35,3% azamattardyń qaýipsizdigin qamtamasyz etýdi qoldap otyr.
Suralǵandardyń 35,5 paıyzyn halyqaralyq baılanystardy nyǵaıtý alańdatady.
Saýalnamaǵa qatysqandardyń tórtten bir bóligi (26,3%) Prezıdenttiń sybaılas jemqorlyqqa qarsy kúreske kóbirek kóńil bólgenin qalaıdy.
Saýalnamaǵa qatysýshylardyń jartysynan astamy (56,7%) Prezıdent qyzmetiniń negizinde qaýipsizdik, áleýmettik ádilettilik (35,9%), turaqty ekonomıkalyq damý, árbir otbasynyń amandyǵy, qoǵamdaǵy dostyq pen kelisim (26-28%) máseleleri bolýy tıis dep esepteıdi.
Respondentterdiń kópshiligi (71,3%) optımısik kóńil-kúıde jáne aldaǵy eki jylda ózgerister bolatynyna senimmen qaraıdy.
Bul rette respondentterdiń jartysynan kóbi (51%) Qazaqstandaǵy ómirdi jaqsartýǵa degen úmitin tikeleı Prezıdentpen baılanystyrady. Saýalnamaǵa qatysqandardyń 20,5%-y Úkimetke, al 15%-y jergilikti atqarýshy organdarǵa úmit artady. Parlamentke (Senat, Májilis) degen senimi – 14,1%.
Eń mańyzdy qundylyqty tańdaǵanda respondentterdiń kópshiligi birinshi orynǵa qaýipsizdikti qoıdy (60,2%). Saýalnamaǵa qatysýshylardyń 34,3%-y úshin eń mańyzdy qundylyq - táýelsizdik.
Áleýmettik zertteý 15-24 naýryzy aralyǵynda júrgizildi. Qatysqan 1863 respondent - 18-50 jas aralyǵyndaǵy QR turǵyndary, ınternet paıdalanýshylary.
Saýalnama Nur-Sultan, Almaty, Shymkent qalalarynda jáne elimizdiń 14 oblysynda júrgizildi.