Pılottyq joba iske qosyldy.
Múgedektik tobyn belgileý úshin medısınalyq-áleýmettik saraptama júrgizýdiń syrttaı formaty boıynsha pılottyq jobany iske asyrý sheńberinde aǵymdaǵy jyldyń birinshi toqsanynda Qazaqstannyń barlyq óńirlerinen 11 myńnan astam ótinim qaraldy, dep habarlaıdy Almaty-akshamy.kz.
Qazirgi ýaqytta jobaǵa 487 medısınalyq uıym qosylǵan.
«Buǵan deıin habarlanǵandaı, Ulttyq qoǵamdyq senim keńesiniń VI otyrysynda Memleket basshysy erekshe qajettilikteri bar adamdar úshin barynsha qolaıly jaǵdaı jasaýdy, olardyń ınstansıalar men qaǵazbastylyq boıynsha júrýin, sondaı-aq qyzmet kórsetýshilerdiń qyzmet alýshylarmen baılanysyn boldyrmaýdy tapsyrdy. Osy tapsyrmany iske asyrý sheńberinde QR Eńbek jáne halyqty áleýmettik qorǵaý mınıstrligi Densaýlyq saqtaý men Sıfrlyq damý, ınovasıalar jáne aeroǵarysh ónerkásibi mınıstrlikterimen birlesip, Qazaqstannyń barlyq 17 óńirinde pılottyq rejımde medısınalyq-áleýmettik saraptama júrgizýdiń syrttaı formaty boıynsha joba iske qosyldy», - delingen Eńbekmıni baspasóz qyzmetiniń habarlamasynda.
Múgedektik tobyn belgileý boıynsha qyzmet alý úshin ótinish berýshi tek turǵylyqty jeri boıynsha emhanaǵa baryp, qajetti tekserýden ótýi kerek, al qalǵan prosester aqparattyq júıelerdi ıntegrasıalaý esebinen onyń qatysýynsyz ótedi.
Jalpy, syrttaı kýálandyrýǵa kóshý:
- kórsetiletin qyzmetti alýshynyń kórsetiletin qyzmetti berýshimen tikeleı baılanysyn boldyrmaıdy, osylaısha sybaılas jemqorlyq táýekelderin tómendetedi;
- MÁS saraptamalyq sheshimderiniń ashyqtyǵyn qamtamasyz etedi;
- múgedektikti belgileý jáne múgedektigi bar adamdardy áleýmettik qorǵaý sharalaryn aıqyndaý boıynsha memlekettik qyzmetter kórsetýdiń bıznes-prosesin avtomattandyrady;
- ákimshilik jáne búrokratıalyq kedergilerdi joıady.
Pılottyq joba arqyly 2022 jyly múgedektikti belgileý boıynsha qyzmetterdi syrttaı kórsetýmen qamtýdy múgedektigi adamdardyń 20%-yna deıin jetkizý josparlanýda.