Bıyl Qazaqstanda alǵash ret Ulttyq kitap kúni atalyp ótýde.
Bul bastama – Memleket basshysynyń tapsyrmasymen jarıalanyp, kitaptyń qoǵamdaǵy mańyzyn arttyrý, oqý mádenıetin arttyrý maqsatyn kózdeıdi.
Merekege daıyndyq aıasynda 14–18 sáýir aralyǵynda EGOV mobile platformasynda júrgizilgen saýalnamaǵa 46 190 adam qatysty. Qatysýshylardyń 57,3%-y turaqty túrde kitap oqıtynyn málimdegen, dep habarlaıdy aqshamnews.kz.
Negizgi nátıjeler:
• Kitap oqýdyń negizgi sebebi – bilim jáne aqparat alý.
• 31% jylyna 1–3 kitap, 26.3% – 3 kitaptan artyq oqıdy.
• 30.6% ýaqyty bolmaǵandyqtan oqymaıdy,
• Tek 6.2% ǵana múlde qyzyqpaıdy.
Jas ereksheligi boıynsha:
Kitapqa eń kóp qyzyǵatyndar – 18–29 jas jáne 61 jastan joǵary toptar.
30–45 jas aralyǵynda qyzyǵýshylyq tómendeý.
Janrlyq talǵam:
• Tarıhı ádebıet – 26.4%
• Pýblısısıka, ómirbaıandar – 20.5%
• Shytyrman oqıǵalar, mahabbat romandary, detektıvter – 16.3%
• Psıhologıa, ózin-ózi damytý – 15.4%
• Ǵylymı ádebıet – 8.2%,
• Klasıka – 7.7%
• Erler – tarıhı jáne ǵylymı ádebıetke beıim.
• Áıelder – romandar, psıhologıa jáne detektıvterdi kóbirek oqıdy.
Oqý formaty:
• Qaǵaz kitap – 50.8%
• Smartfon – 28%
• Planshet – 5.3%
• Kompúter – 3.8%
• Basyp shyǵarylǵan kitap – 1.25%
Jastar kóbine sıfrlyq qurylǵylardy, al aǵa býyn qaǵaz kitaptardy jón kóredi.