Reseıge jol ashatyn qosymshanyń aty «Pýteshestvýıý bez COVID-19».
Shildeniń 25-nen bastap Reseıge barǵysy keletin Qazaqstan, Armenıa, Belarýs jáne Qyrǵyzstan azamattary kórshi elge kelgen kezde «Pýteshestvýıý bez COVID-19» qosymshasyn paıdalanýy tıis, dep habarlaıdy Almaty-akshamy.kz.
«Osy platformanyń kómegimen koronavırýsqa taldaý jasaý úshin eń jaqyn zerthanalardy tabýǵa bolady. Test elge kirgenge deıin keminde 72 saǵat buryn tapsyrylýy tıis. Nátıjesi QR kod túrinde jiberilip, ony shekarada kórsetý kerek», – delingen Qazaqstannyń Reseıdegi elshilik baspasóz qyzmetiniń habarlamasynda.
Sondaı-aq, nátıjeler ózara yqpaldastyrylǵan aqparattyq júıege engiziledi. Bul Qazaqstan azamattaryna Reseı aýmaǵyna Armenıa, Belarýs jáne Qyrǵyzstannyń áýe ótkizý tirekteri arqyly (tranzıtpen) kirýge múmkindik beredi.