Qazaqstandyqtar 2024 jyly shetelge jıi saıahat jasap, tanymal týrısik baǵyttarǵa rekordtyq saparlar jasady.
Osy jyldyń derekteri Maldıv araldary, Taıland, Grýzıa jáne Haınan sıaqty elderge qyzyǵýshylyqtyń kúrt artqanyn kórsetedi, dep habarlaıdy aqshamnews.kz.
«2024 jyldyń qańtar-qazan aılarynda qazaqstandyqtar Maldıv araldaryna 22,3 myń ret sapar shekti. Bul kórsetkish 2023 jyldyń sáıkes kezeńimen salystyrǵanda 42%-ǵa kóp. Bul – 2009 jyldan beri statısıka júrgizilgen ýaqyt ishindegi eń joǵary nátıje. Qazaqstan týrıser sany boıynsha jalpy aǵynyń 1,3%-yn qurap, 18-orynda tur», — dep jazylǵan habarlamada.
Taıland ta qazaqstandyqtardyń súıikti baǵyttarynyń biri bolyp otyr. Qańtar-qazan aılarynda bul elge 144,3 myń ret sapar jasaldy. Bul ótken jylmen salystyrǵanda 17%-ǵa kóp. Bul kórsetkish sońǵy 15 jyldaǵy eń joǵary nátıje.
«Grýzıaǵa 2024 jyldyń qańtar-qyrkúıek aılary aralyǵynda qazaqstandyqtar 146,9 myń ret sapar shekti. Bul ótken jylmen salystyrǵanda 13%-ǵa kóp jáne 2011 jyldan bergi eń joǵary kórsetkish», — dep jazady sarapshylar.
Haınan araly qazaqstandyq týrıser úshin erekshe tanymal baǵytqa aınaldy. Qańtar-qazan aılary aralyǵynda Haınandaǵy qonaqúılerde qazaqstandyqtar 35 myń ret tirkelgen. Bul 2023 jylmen salystyrǵanda 1049%-ǵa artyq. Mundaı ósimniń basty sebebi – 2023 jyldyń kúzine qaraı aralmen tikeleı áýe qatynasynyń qaıta jandanýy. «Qazaqstandyqtardyń Shrı-Lankaǵa qyzyǵýshylyǵy da artyp keledi. Qańtar-qarasha aılary aralyǵynda bul elge 9,5 myń sapar jasaldy. Bul ótken jylmen salystyrǵanda 3,5 ese kóp jáne sońǵy alty jyldaǵy rekordtyq kórsetkish», — delingen sarapshylar esebinde.