Búgin Qazaqstannyń memlekettik bas sanıtarlyq dárigeriniń mindetin atqarýshy №7 «2024-2025 jylǵy epıdemıalyq maýsymda tumaý, ótkir respıratorly vırýsty ınfeksıa (JRVI) jáne koronavırýsqa qarsy is-sharalar ótkizý týraly» qaýlyǵa qol qoıdy, dep habarlaıdy aqshamnews.kz.
Oǵan sáıkes, tómendegi is-sharalar júrgiziledi:
• 2024 jyldyń 1 qyrkúıeginen bastap tumaýǵa qarsy vaksınasıa júrgizý;
• Medısınalyq uıymdarda: kireberisti «súzgi» jumysymen qamtamasyz etý, betperde taǵý, antıseptıkterdiń bolýy;
• JRVI, tumaýdyń belgileri baıqalǵan bir jasqa deıingi balalar men júkti áıelderdiń úıge shaqyrtýyna birinshi kezekte qyzmet kórsetý qarastyrylǵan.
Tumaý, JRVI, KVI aýrýlarynyń aldyn alý úshin kelesideı profılaktıkalyq sharalar júrgizý usynylady:
• Ǵımarattyń ishin jıi-jıi jeldetip otyrý;
• Qoldy taza ustaý úshin antıseptıkalyq quraldardy paıdalaný;
• Naýqastarmen baılanysty shekteý, olarmen sóılesseńiz, betperde taǵý;
• Medısınalyq kómekke der kezinde júginý.