Japonıanyń Fýkýoka qalasynda 14 shildede bastalatyn sý sportynan álem chempıonatynda elimizdiń atynan tórt sportshy synǵa túsedi, dep habarlaıdy Almaty-akshamy.kz.
Aıta keteıik, atalǵan sport túrinen álem chempıonaty Japonıanyń Fýkýoka qalasynda byltyr 13-29 mamyr aralyǵynda ótýi tıis bolatyn.
Koronavırýs pandemıasyna baılanysty týrnır bıylǵy jyldyń shildesine aýystyrylǵan edi.
Álemdik birinshilikke irikteý arnaıy biliktilik normatıvterin oryndaý arqyly júrgizildi.
Nátıjesinde elimizdiń atynan dúbirli dodaǵa tórt júzýshi qatysýǵa múmkindik aldy.
El quramasy sapynda Ádilbek Mýsın 50, 100 metr baterfláı ádisimen, 100 metr erkin ádispen júzýden jaryssa, Ksenıa Ignatova shalqalaı júzýde 50, 100, 200 metrde saıysqa túsedi,-dep jazdy QazAqparat.
Al Dıana Tasjanova 800, 1500 metr erkin ádispen, Adelaıda Pchelınseva 50, 100 metrov bras ádisimen baq synaıdy.
Álem chempıonatynda sý sporty boıynsha medaldar sýǵa sekirý, kórkem júzý, sý doby jáne ashyq sýda júzý sekildi tórt jarysta úlestiriledi.