Reseı Federasıasynyń Iaroslavl qalasynda Leonıd Sobınov atyndaǵy ekinshi halyqaralyq vokal baıqaýy (Sobinov International Vocal Competition) ótti.
Osy baıqaýda Abaı atyndaǵy qazaq Memlekettik akademıalyq opera jáne balet teatrynyń jetekshi solısi Damır Sádýaqasov úshinshi oryn aldy, dep habarlaıdy Almaty-akshamy.kz QR Mádenıet jáne sport mınıstrliginiń baspasóz qyzmetine silteme jasap.
Iaroslavl qalasynyń fılarmonıasy uıymdastyrǵan baıqaýǵa Vladımır Chernov (qazylar alqasynyń tóraǵasy, Reseı-AQSH), Nellı Mırıchoıý (Ulybrıtanıa), Rýben Lısısıan, Olga Kapanına (Reseı úlken teatry opera trýppasynyń kastıng-dırektory) jáne «TACT Management» agenttiginiń art menedjeri Aleks Grıgorev (Nıderlandy) qazylyq etti.
12 úmitker orkestrdiń súıemeldeýimen eki arıa oryndady (oryssha jáne shet tilinde). Osydan keıin qazylar alqasy keńesip, úzdikterdi anyqtady.