Qala kúni qarsańynda megapolıste halyqaralyq InterContinental Hotels Group qonaq úı jelisiniń oteli ashyldy, dep habarlaıdy almaty-akshamy.kz
Úsh juldyzdy Holiday Inn Express qonaq úıi meımandarǵa joǵary deńgeıdegi qyzmet kórsetýdi, jaıly oryndy jáne jeke paıymdy usynady. Múmkindigi shekteýli adamdarǵa arnalǵan bólmeler de qarastyrylǵan. Bólmelerdiń qyzmet kórsetý sapasy men jaılylyǵy IHG standarttaryna saı.
Almaty ákimi Baqytjan Saǵyntaev nysannyń ashylýy qalanyń týrısik ınfraqurylymynyń damýyna oń áser etetinin atap ótti. Bul joba megapolıstegi nómirlik qordy 184 nómirge arttyrýǵa múmkindik beredi.
Eske salsaq, Almaty – elge keletin týrıser sany boıynsha qazaqstandyq basqa qalalardyń arasynda kóshbasshy. Tek osy jyldyń alǵashqy eki toqsanynda qalaǵa jarty mıllıonnan astam týrıs keldi.
Kezdesýler, iskerlik konferensıalar ótkizý úshin qonaq úıde jalpy alańy 99 sharshy metr bolatyn 3 konferens-zal bar. Otel qalanyń ortalyq bóliginde ornalasqan, metro stansıalary, SOSO jáne saıabaq aımaqtary qoljetimdi. Jobaǵa 4,3 mlrd teńgeden astam ınvestısıa tartylyp, 50 jumys orny quryldy.
