Almatyda ústel tenısinen "Sontender" halyqaralyq týrnıri ótip jatyr.
Jarystyń úshinshi kúni juptyq jáne aralas juptyq básekeler ótti. Qazaqstan sportshylary arasynan birinshi bolyp jarys jolyna shyqqan Baqdáýlet Ákimálı men Yrysbek Artyqmetov Qytaı eliniń sheberlerine jol berip qoıdy, dep habarlaıdy Almaty-akshamy.kz.
Dastan Kenjeǵulov pen Sanjar Jubanov juby bolsa fransıalyq atletterdiń aldyn orap ketti. Burymdy sportshylar jarysynda Aııa Álimbaeva men Gýzel Torshaeva kelesi kezeńge súrinbeı ótti. Aralas juptyq básekede Alan Qurmanǵalıev pen Sarvınoz Mırkadırova qarsylasyn 3:2 esebimen utyp, 1/8 fınalǵa joldama aldy. Al jekeleı jarysty negizgi kezeńnen bastaıtyn otandasymyz Kırıll Gerasımenko 1/16 fınalda Horvatıa sportshysymen ózara myqtyny anyqtaıdy. Júlde qory 75 myń dollardy quraıtyn halyqaralyq týrnır jeńimpazdary 3-shi qyrkúıek kúni belgili bolady.
"Bul jarysty atap ótetin bolsaq, Kontender álem deńgeıine saı óte keremet nusqada ótip jatyr. Bizder oıynshy retinde rızamyz. Mynadaı myqty-myqty elderden oıynshylar kelip, jeke tájirıbe retinde kóp nárse alyp jatyrmyz. Atap ótetin bolsaq, shet elge shyǵyp júrgende osyndaı Kontender jarysy mynadaı bizdiń deńgeıde eshqandaı elde ótkizbeıdi", deıdi Ústel tenısinen halyqaralyq dárejedegi sport sheberi Dastan Kenjeǵulov.