Bul qyzmetke Nurlybek Nálibaev keldi.
Nurlybek Nálibaev Qyzylorda oblysynyń ákimi laýazymyna taǵaıyndaldy, dep habarlaıdy Almaty-akshamy.kz Aqordaǵa silteme jasap.
Nurlybek Nálibaevty taǵaıyndaý týraly 2022 jylǵy 07 sáýir Nurlybek Mashbekuly Nálibaev Qyzylorda oblysynyń ákimi laýazymyna taǵaıyndalsyn. Qazaqstan Respýblıkasynyń Prezıdenti Q.Toqaev Nur-Sultan, Aqorda, 2022 jylǵy 7 sáýir № 860
Nálibaev Nurlybek Mashbekuly 1976 jyly Jańaqorǵan aýdanynda dúnıege kelgen.
Qazaq memlekettik agrarlyq ýnıversıtetin ekonomıs-menedjer mamandyǵy boıynsha bitirgen ol óziniń eńbek jolyn «Kazahoıl-kommersıa» seriktestiginde munaı jáne munaı óndirisi sarapshysy bolyp bastaǵan.
Keıin «Bulaq» JSHS dırektorynyń orynbasary, «Standart OılBeıs» jáne «Standart OılTreıdıng» JSHS-leriniń dırektory, «StandartGaz» JSHS dırektorynyń orynbasary, «HarrıkeınOılProdakts» SHAQ Qyzylorda bólimshesiniń dırektory, «QyzylordaMunaıServıs» JSHS bas dırektory qyzmetterin atqarǵan.
2005-2007 jyldary Qyzylorda qalasy ákiminiń orynbasary, 2007-2008 jyldary Qyzylorda oblysy ákimi apparatynyń basshysy boldy. Al 2008-2013 jyldary Shıeli aýdanyn basqarǵan.
2013 jyl Qyzylorda qalasynyń ákimi laýazymyna taǵaıyndaldy.
2021 jyldyń sáýirinde Qazaqstan Respýblıkasy Premer-Mınıstri Keńsesiniń Óńirlik damý bóliminiń meńgerýshisi qyzmetine taǵaıyndaldy.
Memleket basshysynyń Jarlyǵymen Gúlshara Naýshaqyzy Ábdiqalyqova Qyzylorda oblysynyń ákimi laýazymynan bosatyldy, dep habarlaıdy Aqordanyń resmı saıty.
