Qazaqstandyq Mıhaıl Kýkýshkın men Beıbit Jýkaev Chellendjer týrnırlerin jeńispen bastady.
Qazaqstan tenıs federasıasy jazǵandaı, Kýkýshkın Helsınkıde irikteý saıystarynan keıin negizgi jarystyń alǵashqy aınalymynda ıtalıalyq Stefano Travalámen sheberlik baıqasty, dep habarlaıdy Almaty-akshamy.kz.
Qazaqstandyq tenısshi qarsylasyn 6:2, 6:4 esebimen utyp, ekinshi aınalymǵa shyqty. Mıhaıl shırek fınalǵa shyǵý úshin reseılik Evgenıı Karlovskıımen talasady.
Al Jýkaev Japonıanyń Kobe qalasynda bastapqy kezdesýin sátti ótkizdi. Beıbit kort ıesi Iýchı Sýgıtany 4:6, 6:4, 6:4 esebimen tize búktirdi. Qazaqstandyq tenısshi báseke barysynda 24 eıs jasap, kózge tústi. Ol ekinshi aınalymda álemniń 84-raketkasy, dodanyń birinshi raketkasy, aýstralıalyq Krıstofer O'Konnelmen kezdesedi.