Taǵy bir qazaqstandyq Mıhaıl Kýkýshkın irikteý saıystarynyń fınalyna shyǵa almady
Qazaqstannyń juptyq syndaǵy birinshi, álemniń 20-raketkasy Anna Danılına serbıalyq Aleksandra Krýnıchpen birge Klıvlend (AQSH) WTA 250 týrnıriniń jartylaı fınalyna shyqty, dep habarlaıdy Almaty-akshamy.kz QazAqparatqa silteme jasap.
Jarystyń 4-raketkalary bolyp tirkelgen A.Danılına men A.Krýnıch shırek fınalda japonıalyq Mıý Kato – ındonezıalyq Aldıla Sýtdjıadımen sheberlik baıqasty.
Birinshi partıada qazaqstandyq-serbıalyq jup basymdylyq tanytty – 6:2.
Ekinshi sette japonıalyq-ındonezıalyq dýet taı-breıkte sátti oınady – 7:6 (7:4).
Sýper taı-breıkte A.Danılına men A.Krýnıch jeńisti julyp aldy – 10:7.
Saǵat jarymnan astam ýaqytqa sozylǵan tartysty básekede qazaqstandyq-serbıalyq jup 2 eıspen birge 12 breık-poınttyń jartysyn múlt jibermedi.
A. Danılına men A. Krýnıch fınalǵa shyǵý úshin dodanyń 1-raketkalary, chehıalyqtar Barbora Kreıchıkova – Katerına Sınákovamen talasady.
Taǵy bir qazaqstandyq Mıhaıl Kýkýshkın AQSH ashyq chempıonaty irikteý saıystarynyń fınalyna shyǵa almady. Ol ıspanıalyq Fernando Verdaskoǵa jol berdi – 6:7 (4:7), 3:6. Endi F.Verdasko reseılik Pavel Kotovty jeńse, negizgi týrnırge ótedi.
Eske sala keteıik, budan buryn Dmıtrıı Popkonyń AQSH ashyq chempıonatynyń irikteý saıysynda jeńilip qalǵanyn jazǵan bolatynbyz.