Aýdandaǵy tozǵan jelilerdiń saldarynan elektr kózderi isten shyǵyp, jıi jaryqsyz qalady.
Ásirese, Baıtursynov – Abaı – Tóle bı – Rozybakıev kósheleriniń boıynda jaryq jıi óshedi, dep habarlaıdy Almaty-akshamy.kz
Bıylǵy jyldyń ózinde elektr jelilerinde aýdanda 240-tan astam apat boldy.
1) Elektr energıasymen jabdyqtaýdyń senimdiligin arttyrý úshin 2022-2023 jyldary qalanyń elektr jelilerin jańartý kózdelgen.
«Osy joba aıasynda aýdan boıynsha eki jyl ishinde rezervtik qýatty 10kVt-qa deıin ulǵaıtyp, 156 km eskirgen kabelderdi aýystyrý, sondaı-aq 13 taratý jáne 195 transformatorlyq podstansıany qaıta jańartýdy qarastyryp otyrmyz. Qazirdiń ózinde 55 km (2022 jylǵy jospar - 81 km) kabel jelileri aýystyryldy, 8 taratý (2022 jylǵy jospar - 10) jáne 42 transformatorlyq podstansıa (2022 jylǵy jospar - 50) jańartyldy. Jyl sońyna deıin taǵy 26 km jelini aýystyryp, 2 taratý jáne 8 transformatorlyq podstansıany qaıta jańǵyrtamyz», - dedi qala basshysy Almaly aýdanynyń halqymen kezdesýinde.
Nátıjesinde, 2022 jyldyń sońynda aýdandaǵy tozǵan elektr jelileriniń úlesi 70-ten 56%-ke deıin azaıady.
Joba aıaqtalǵannan keıin kelesi jyly taǵy 75 km jelini jańartý, 3 taratý jáne 145 transformatorlyq podstansıany qaıta jańartý esebinen tozǵan jelilerdiń úlesi 44%-ke deıin azaıady. Osy sharalardyń barlyǵy Almaly aýdanyndaǵy elektr jelileriniń jumysyn turaqtandyrýǵa múmkindik beredi.
2) 10 qyrkúıekke deıin eki ýchaskede 415 m jylý jelilerin, onyń ishinde Dosmuhamedov kóshesiniń boıymen Qurmanǵazydan Abaıǵa deıin uzyndyǵy 225 m jáne Bógenbaı batyr – Radostoves qıylysyndaǵy aýlada 190 m jylý jelilerin qaıta jańǵyrtýdy aıaqtaımyz..