Sheshýshi partıany qazaqstandyq sportshy breıkpen támamdady – 6:2.
Qazaqstannyń birinshi, álemniń 36-raketkasy Aleksandr Býblık Monte-Karlo ATP Masters 1000 týrnırin jeńispen bastady, dep habarlaıdy Almaty-akshamy.kz Olympic.kz cilteme jasap.
Qazaqstandyq tenısshi alǵashqy aınalymda álemniń burynǵy úshinshi raketkasy, qazirgi kezde reıtıńte 236-orynda turǵan «Úlken dýlyǵa» týrnıriniń úsh dúrkin jeńimpazy, shveısarıalyq Sten Vavrınkamen kezdesti. Jaraqatyna baılanysty kópten beri oınamaǵan 37 jastaǵy shveısarıalyq sportshynyń bul sońǵy 12 aıdaǵy ekinshi oıyny edi. Birinshi partıany Aleksandr breıkpen bastaǵanymen, Vavrınka kúsh alyp ketti – 6:3. Esesine ekinshi sette Býblık ese qaıyrdy – 7:5. Sheshýshi, úshinshi, partıany qazaqstandyq sportshy breıkpen támamdady – 6:2.
Býblık jalpy júlde qory 5,8 mln eýroǵa baǵalanǵan masters jarysynyń úshinshi aınalymyna shyǵý úshin álemniń 19-raketkasy, ıspanıalyq Pablo Karreno-Býsta nemese reıtıńte 66-satydaǵy argentınalyq Sebastán Baestiń bireýimen talasady.