Qazaqstandyq teatrlar 2024 jylǵy teatr maýsymyn birqatar premeralarmen jáne tanymal qoıylymdarmen qorytyndylaıdy, dep habarlaıdy Almaty-akshamy.kz
Abaı atyndaǵy Qazaq Ulttyq opera jáne balet teatry óziniń 90-shy mereıtoılyq maýsymyn H. Levensqoldtyń «Sılfıda» romantıkalyq baletiniń jańa qoıylymymen aıaqtady.
Quddys Qojamıarov atyndaǵy respýblıkalyq memlekettik akademıalyq uıǵyr mýzykalyq komedıa teatry maýsymdy teatrdyń 90 jyldyǵyna arnalǵan mereıtoılyq Gala-konsertpen japty.
Muhtar Áýezov atyndaǵy Qazaq ulttyq drama teatry 98-shi maýsymyn jabady. 25 maýsymda kórermenge «Qozy Kórpesh-Baıan Sulý» spektakli kórsetiledi.
28 maýsymda Memlekettik Respýblıkalyq akademıalyq koreı mýzykalyq komedıa teatry 92-shi maýsymyn «In-Án» qoıylymymen aıaqtaıdy.
Respýblıkalyq akademıalyq Nemis drama teatry 30 maýsymda «Chelovek podýshka» spektaklimen 44-shi maýsymynyń shymyldyǵyn jabady.
Bıken Rımova atyndaǵy Taldyqorǵan drama teatry 48-shi maýsymyn Q.Tileýhannyń «Medal» spektakliniń premerasymen aıaqtaıdy. Qoıylym 29 jáne 30 maýsymda kórermenge usynylady.
«Astana Opera» Memlekettik opera jáne balet teatrynyń 11-shi maýsymy 13 shildede qorytyndylanbaq. Onda «Erkin mergen» operasynyń premerasy sahnalanady.
Qalıbek Qýanyshbaev atyndaǵy Qazaq ulttyq mýzykalyq-drama teatry 33-shi maýsymyn 14 shildede «Qaragóz» spektakliniń premerasymen aıaqtaıdy.
31 shildede Ǵabıt Músirepov atyndaǵy Qazaq memlekettik akademıalyq balalar men jasóspirimder teatry 78-shi maýsymyn «Ulpan» spektakliniń premerasymen jabady.
Aıta keteıik, kóptegen premeralar men kórermen kóńilinen shyqqan qoıylymdar eldegi teatr óneriniń joǵary deńgeıin aıshyqtap jáne kelesi maýsymda jańa, jan tebirenter qoıylymdardyń sahnalanýyna sep bolady.