Aldaǵy 6-shy Qytaı halyqaralyq ımporttyq kórmesine Shanhaı qalasynda Qazaqstannan 25 azyq-túlik eksporttaýshy kompanıa qatysady.
Bıyl otandyq taýar óndirýshiler «Azyq-túlik jáne aýyl sharýashylyǵy ónerkásibi» sektoryndaǵy stendte azyq-túlik pen aýyl sharýashylyǵy taýarlarynyń 30-dan astam ataýyn usynady, dep habarlaıdy Almaty-akshamy.kz
Qytaı halyqaralyq ımporttyq EKSPO (China International Import Expo) 5-10 qarasha aralyǵynda QHR, Shanhaı qalasynda ótedi. Qazaqstandyq eksportqa baǵdarlanǵan kásiporyndardy irikteýdi QR Saýda jáne ıntegrasıa mınıstrliginiń kelisimi boıynsha Qaztrade memlekettik qoldaý sharalarynyń operatory júrgizdi.
Kórmege qatysýǵa tirkelý 2023 jyldyń 10-27 shildesi aralyǵynda ashyldy. Tirkeýdiń ashylýy týraly aqparat jergilikti atqarýshy organdarǵa, «Atameken» QR Ulttyq Kásipkerler palatasyna (onyń ishinde ÓKP), «KazakhExport» AQ-na jiberildi, sondaı-aq jedelhat-arnalarda ornalastyryldy
Úmitkerlerdi irikteý belgili bir talaptarǵa sáıkes ótinish bere alǵan kompanıalar arasynda júrgizildi.
«Máselen, kompanıa Qazaqstan aýmaǵynda kásipkerlik sýbektisi retinde tirkelýi tıis, ol óndiretin ónim nemese qyzmet Qytaı naryǵynda talap etilýi tıis. Bul rette ónimderdiń nemese qyzmetterdiń sapasy mindetti túrde QR qaýipsizdik standarttarynyń talaptaryna jáne halyqaralyq standarttarǵa sáıkes kelýi qajet», - dep habarlady QazTrade.
Basqa krıterıılerdiń qataryna kásiporynnyń qoldanystaǵy zańnamaǵa sáıkes salyqtardy, alymdardy jáne basqa da mindetti tólemderdi tóleý boıynsha beresheginiń bolmaýy jatady.
«Kompanıanyń resmı saıtynyń nemese áleýmettik jelilerdegi paraqtyń bolýy da mańyzdy, sapaly kontent – taýardyń foto-beıne sıpattamasy, prezentasıa, ónim katalogy aǵylshyn tilinde, onyń ishinde. biz tipti kompanıada aǵylshyn tilin jaqsy meńgergen jeke shtattyq qyzmetkerdiń bolýyna nazar aýdaramyz. Bul sheteldik seriktestermen iskerlik hat almasý jáne kelissózder júrgizý úshin mańyzdy», - dep atap ótti QazTrade.
Kásipkerlerdiń Qytaı aýmaǵyndaǵy is-sharalarǵa qatysýy úshin olardyń QHR Bas keden basqarmasy júıesinde akkredıttelýi talap etiledi. Veterınarıalyq jáne fıtosanıtarıalyq baqylaýǵa jatatyn taýarlar ásirese muqıat qarastyrylady. Bul QHR-nyń ulttyq zańnamasyna baılanysty, ol tamaq ónimderin, sonyń ishinde sýsyndardy óndiretin jáne saqtaıtyn barlyq kásiporyndar tirkelip, Qytaıdyń CIFER tirkeý júıesine engizilýi kerek dep retteıdi.
Qazaqstan Qytaı EKSPO-ǵa 2018 jyly jumysyn bastaǵan sátten bastap qatysady. Bes jyl ishinde 133 qazaqstandyq kompanıa qytaılyq satyp alýshyǵa óz taýarlary men qyzmetterin kórsete aldy, sondaı-aq 260 mln dollardan asatyn somaǵa eksporttyq kelisimsharttar jasasty.