Atyń barda jer tany, jelip júrip...
Almatylyq Madına Ashılova otbasymen birge alǵash ret Jer sharyn aınala saıahat jasap, Qazaqstannyń rekordtar kitabyna kirdi. Jolǵa shamamen 2 jyldaı ýaqyt ketken. 40 myń shaqyrymdy, óz kólikterimen júrip ótken, dep habarlaıdy almaty-akshamy.kz 24.kz-ke silteme jasap.
Madına Ashılovanyń aıtýynsha shetelge shyqqan týrıs áýeli tabıǵattyń tosyn syıyna daıyn bolýy tıis. Ásirese AQSH-qa sapary erekshe este qalypty. Ol daýyldyń dúleı kúshin sonda kórgen. Birde kúıeýi ekeýi túnde kele jatyp, Atlant muhıtyna 50 shaqyrym qalǵanda daýylǵa tap bolady.
Madına Ashılova, saıahatshy:
- Amerıkada jolda múldem toqtaýǵa bolmaıdy. Tek arnaıy belgilengen oryndarda ǵana aıaldaı alasyz. Al olar árbir 50 shaqyrym saıyn ornalasqan. Demek qalasań da, qalamasań da 50 shaqyrym júrý kerek. Toqtaý qaýipti. Bir jerden qonaqúıdi baıqap, soǵan bardyq. Týra qorqynyshty fılmdegideı. Edenderi syqyrlap, shamdary bir óship, bir janady. Ábden záre-qutymyz qashty.
Kópbalaly otbasynyń saıahatyn 3 kezeńge bólýge bolady. Birinshisi byltyr jazda bastalǵan. Erli-zaıyptylar oılamaǵan jerden Amerıkaǵa saparǵa attanady. Bir aı sol eldi aralap, 6,5 myń shaqyrym jol júredi. Alǵashynda bóten elde mashınamen saıahattaý qıyn kóringenimen, keıin úırenip ketedi. Madına ár memleketti aralap, týǵan jeri týraly málimetpen bólisýdi bala kezden armandaǵanyn aıtady.
Madına Ashılova, saıahatshy:
- Joldasym ekeýmiz saparǵa qazaqstandyq shokolodtarmen elimizdiń týyn ala shyqtyq. Eýropa elderiniń, Amerıkanyń turǵyndaryna Qazaqstannyń qaı jerde ornalasqanyn kórsetip, jan-jaqty tanystyrdyq. Qonaqjaı, darhan halyq ekenimizdi aıttyq.
Madına otbasy múshelerimen túgel mashınamen saıahattaýdyń óte áserli bolǵanyn aıtady. Ákesi rólde kapıtan bolsa, balalar anasymen birge kartadan baratyn kelesi qalany tańdap otyrǵan. Oljas pen Madınanyń 5 balasy bar. Qazir 6-shy nárestesin kútip júr. Balalardyń ishi pyspasyn dep ádeıi oıyn-saýyq oryndary bar kempıngterge toqtap júrgen. Olar uzyn sany 16 memleketti aralap qaıtqan. Eger Madına buryn da shetelge shyqsa, joldasymen balalary birinshi ret saıahattapty.
Oljas Ashılov, Madınanyń joldasy:
- Men rólde otyrsam, qaıta demalyp otyramyn. Romantıka sıaqty. Kúshti bolady. Ózim rólde otyrǵandy jaqsy kóremin. Myń kılometr bolsyn, 2 myń kılometr bolsyn, odan sharshamaımyn, men júre beremin. Germanıada kele jatqanda artymyzdan bireý sıgnal basyp, faramen netip, bizdiń artymyzdan qýyp keldi. Ol Pavlodardan bizdiń kóshken nemis ultynyń azamaty eken. Bizdi kórip qýanyp, sol jerde sóılesip turdyq.
Arýna Ashılova, Madınanyń qyzy:
- Biz ýaqyttyń qalaı tez ótkenin bilmeı qaldyq. Bizge óte qatty unady. Biz kóp kúldik. Óte qatty qyzyq boldy. Maǵan Parıj unady. Men Eıfel murarasynda sýretke tústim. Ol jaqta óte jaqsy adamdar bar. Biz olarǵa Qazaqstandy tanystyrdyq. Avtomobılmen saıahattaý ushaqpen el aralaǵannan múldem bólek, - deıdi Madına.
Kólikpen júrip sol memlekettiń tynys-tirshiligimen tereńirek tanysasyń, jaqsy-jamanyn ajyratyp, oı túıesiń. Bolashaqta Ashılovtar otbasy basqa da kontınentterge saıahat jasap, turǵyndaryn týǵan eli – Qazaqstanmen tanystyrýdy josparlap otyr.
Istochnık: https://24.kz/kz/zha-aly-tar/o-am/item/620667-almatyly-sayakhatshy-aza-stanny-rekordtar-kitabyna-kirdi
Lúboe ıspolzovanıe materıalov dopýskaetsá tolko prı nalıchıı gıperssylkı na www.24.kz