Ulttyq sýsyn – shubatqa degen suranys joǵary.
Ekologıalyq taza ónim tek qazaqstandyqtar arasynda ǵana emes, shetelde de tanymaldylyqqa ıe. Qazir otandyq ónim kórshiles Qytaı men arab elderine eksporttalyp jatyr, dep habarlaıdy Almaty-akshamy.kz Qazaqtv.com saıtyna silteme jasap.
Shetelge jóneltý maqsatynda Almaty oblysyndaǵy Aqshı aýyly shubat óndirisin órkendetýge kiristi. Ótken jyly munda untaqtalǵan túıe sútin shyǵaratyn kásiporyn ashylǵan bolatyn. Munda aıyna 30 tonna ónim shyǵarady.
«Túıe malyn asyrap, basyn kóbeıtip, sútin kóbeıtip, úılerinen kádimgi shubat retinde satyp jatqan azamattarymyz bar. Jaqsy qarqynmen, jaqsy baǵytta kele jatyr bul jumystar bizde. Dúnıe júzinde de, bizdiń memlekette de eldiń, jurttyń, halyqtyń kózi jetip otyr, taza ónimderge kóship jatyr», - deıdi Kúrti aýyldyq okrýginiń ákimi Tólegen Omarov.
Shubatpen qosa, túıe etine degen suranys ta óte joǵary. Óıtkeni onyń quramynda holesterın bolmaıdy. Al maıy túrli aýrýlardy emdeý maqsatynda paıdalanady.
«Eki túıe alyp bastadym. Sodan keıin izinen qazir, Qudaıǵa shúkir, 50 shaqty túıem bar. Sóıtip, neǵylamyn degen joqpyn, Qudaı, Allanyń bergen nesibesi shyǵar. Balalarymnyń nesibesi shyǵar. Sóıtip, shubatpen aınalysyp otyrǵan jaǵdaıymyz bar. Emdik qasıeti kúshti munyń», - deıdi aýyl turǵyny Erkinaı Ábilhanova.
.