Memlekettik marapatty Almaty qalasy polısıa departamentiniń bastyǵy Arystanǵanı Zapparov tabys etti
Qańtar oqıǵasynda aýyr jaraqat alǵan polıseı memlekettik syılyqqa ıe boldy, dep habarlaıdy Almaty-akshamy.kz Polisia.kz-ke silteme jasap.
Prezıdent Jarlyǵymen qyzmettik mindetterin minsiz atqarǵany, sondaı-aq qalada zańdylyq pen quqyqtyq tártipti qamtamasyz etýge qosqan úlesi úshin Almaty qalasy Áýezov aýdandyq PB ýchaskelik ınspektory Ǵazız Nurǵalymov İİ dárejeli «Aıbyn» medalimen marapattaldy.
Tártip saqshysyna memlekettik marapatty Almaty qalasy polısıa departamentiniń bastyǵy Arystanǵanı Zapparov tabys etti.
«Birinshiden, sizderge, Ǵazızdiń ata-anasyna, laıyqty ul tárbıelegenderińiz úshin barsha ujym atynan myń alǵys. Men búgin İshki ister mınıstri Marat Ahmetjanovtyń tapsyrmasymen memlekettik syılyqty tabystaý úshin arnaıy mısıamen keldim. Ǵazızdiń tezirek saýyǵyp ketýin tileımiz. Biz aldaǵy ýaqytta da qoldaý men kómek kórsetýge daıynbyz», – dedi Almaty polısıasynyń basshysy.
Eske salaıyq, aǵa leıtenant Nurǵalymov bıyl qańtar aıyndaǵy jappaı tártipsizdikterdi basý kezinde aýyr jaraqat alǵan bolatyn.
Júzdegen ashýly demonstranttyń shabýyly men soqqysynan Ǵazızdiń eki búıregi de isten shyqty.
Qazir gemodıalızden ótip, ota jasatýǵa daıyndalyp jatyr.