Italıanyń Mılan qalasynda semserlesýden ótip jatqan álem chempıonatynda qazaqstandyq Rýslan Qurbanov qola medaldi jeńip aldy.
22 shildede bastalyp, 30 shildege deıin sozylatyn álem chempıonatyna 155 elden myńnan astam sportshy qatysyp jatyr. Atalǵan álem chempıonatynda úzdik atanǵandar Parıj olımpıdasyna qatysý úshin reıtıńilik upaılarǵa ıe bolady, dep habarlaıdy Almaty-akshamy.kz.
Álemdik reıtıńte 16-orynda turǵan ulttyq qurama kóshbasshysy Rýslan Qurbanov aýstrıalyq Jozef Mahrınger men danıalyq Seıbae Konradty jeńdi, sodan soń, olımpıada chempıony, álem birinshiliginiń bes dúrkin jeńimpazy, fransıalyq Iannık Boreldi utty, shırek fınalda ıtalıalyq Valerıo Kýomony súrindirdi, Tek jartylaı fınalda majarstandyq Mate Kohqa ese jiberip, qola júldege qol jetkizdi.
Sportty damytý dıreksıasy málim etkenindeı, bul qola júlde - semserlesý sportynan álem chempıonatynda Qazaqstan tarıhyndaǵy alǵashqy medal.