Qutqarýshylar Gazıantep qalasynda táýlik boıy eki aýysymda eki ýchaskede jumys istep jatyr
Túrkıada zilzaladan keıin izdeý-qutqarý jumystary júrgizile bastaǵan kúnnen bastap Qazaqstan TJM qutqarýshylary 7 adamdy tirideı qutqaryp, medısına qyzmetkerlerine tapsyrdy. Úıindi astynan óli kúıinde tabylyp, jer betine shyǵarylǵan 85 adamnyń 10-y bala, dep habarlaıdy Almaty-akshamy.kz.
Qazirgi ýaqytta Qazaqstan TJM qutqarýshylary eki eldi mekende izdeý-qutqarý jumystaryn jalǵastyrýda.
"Qıraǵan úılerdiń ornyndaǵy úıindilerdiń arasyn ashý jumystary júrgizilýde. Qutqarýshylar turaqsyz qurylymdardy bólshekteý jáne arnaıy keskishtiń kómegimen jol tazartý jáne qırandylardyń astynan zardap shekkenderdi izdeýdi jeńildetý úshin úıindilerdiń astyndaǵy armatýrany kesý jumystary júrgizýde. Bul beton, arqalyqtar jáne basqa da qurylys qaldyqtaryn bólshektep, arnaıy tehnıkaǵa júkteýdi jeńildetý úshin jasalady", - delingen habarlamada.
Birinshi eshelonmen barǵan qutqarýshylar Gazıantep qalasynda táýlik boıy eki aýysymda eki ýchaskede jumys istep jatyr. Qazaqstann TJM ekinshi eshelonmen barǵan qutqarýshylar Túrkıaǵa kelgen sátten bastap Nýrdagy qalasynda izdeý-qutqarý jumystaryn táýlik boıy júrgizýde.