QR İİM oqý oryndarynyń delegasıasy AQSH-qa oqý-tanystyrý saparymen bardy.
Qazaqstandyq tártip saqshylary qoǵamǵa baǵdarlanǵan polısıa qyzmetin uıymdastyrýdaǵy qoldanystaǵy tásildermen tanysty, dep habarlaıdy Almaty-akshamy.kz Polisia.kz-ke silteme jasap.
Vedomstvo ókilderiniń málimetinshe, bul sapardyń maqsaty – Amerıka Qurama Shtattarynda polısıa kadrlaryn daıarlaý jáne qoǵamǵa baǵyttalǵan polısıa salasyndaǵy tájirıbesin zertteý bolatyn. Qazaqstandyq polıseıler BUU Esirtki jáne qylmys jónindegi basqarmasynyń Qazaqstandaǵy baǵdarlamalyq keńsedegi jáne Venadaǵy shtab-páterdegi qyzmetkerlerimen birge Delaver, Vırdjınıa shtattary polısıasynyń jáne Montgomerı okrýgi polısıa departamentiniń áriptesterimen kezdesti.
Qazaqstandyq tártip saqshylary kandıdattardy jaldaý jáne jumysqa alý prosesterimen, burynnan qyzmet atqaratyn saqshylardy jáne jańa qyzmetkerlerdi daıarlaýǵa arnalǵan oqý baǵdarlamalarymen, sondaı-aq qoǵamǵa baǵdarlanǵan polısıa qyzmetin uıymdastyrýdaǵy qoldanystaǵy tásildermen tanysty.
Budan bólek, Esirtkige qarsy kúres basqarmasy akademıasynda (DEA) jáne Federaldy tergeý búrosynyń akademıasynda (FBI) kezdesýler kezinde kásiptik oqytý men tıisti polısıa ınfraqurylymyna erekshe nazar aýdaryldy.