"Qazaqstan temir joly" ulttyq tasymaldaýshysy (QTJ) óz poıyzdarynyń vagondarynda SOS batyrmasyn engizýdi josparlap otyr.
Bul týraly "Jolaýshylar tasymaly" AQ servıs departamentiniń dırektory Botagóz Ákimova málimdedi, dep habarlaıdy Almaty-akshamy.kz Elorda.info-ǵa silteme jasap.
"Ótken jyly biz jańa vagondarda SOS batyrmasy bolýy úshin shart qoıdyq. Jolaýshy birden kýpede jolserikti shaqyra alatyn batyrma. Bul baǵytta kompanıa jumys isteıdi", – dedi ol QTJ-da jýrnalısermen kezdesýde.
Spıker vagonda jolaýshyǵy basqa jolaýshy tıisip, qaýip tóndirse, jolseriktiń qandaı quzyreti baryn aıtty.
"Mundaı kez kelgen áreket zańsyz bolyp sanalady. Poıyzdarda polısıa departamenti organdarynyń kóliktegi súıemeldeýi bar. Ókinishke qaraı, barlyq poıyzda júrmeıdi, biraq biz birneshe ret İİM-ge júginip, biz úshin júz paıyzdyq qamtý bolǵany jón, mundaı sátterdi bizdiń qyzmetkerlerimiz de, ishki ister qyzmetkerleri de kesip ótýi keregin aıttyq", – dedi Botagóz Ákimova.
Janjal týyndaǵan jaǵdaıda, eger poezda kóliktegi polısıa departamentiniń ókili bolmasa, jaqyn stansıadaǵy jolserik bul týraly quqyq qorǵaý organdaryna habarlaýy tıis.
"Kez kelgen jaǵdaıda, jaqyn stansıada bul jolaýshy túsirilip, oǵan akt jasalady, sharalar qabyldanady. Bul ákimshilik quqyq buzýshylyq sıaqty", - dep atap ótti spıker.