Astana, Almaty jáne Shymkent qalalary men Pavlodar, Shyǵys Qazaqstan, Qaraǵandy, Aqtóbe, Batys Qazaqstan, Qostanaı jáne Soltústik Qazaqstan oblystarynda STEM muǵalimderine arnalǵan 3D-modeldeý jáne robototehnıka boıynsha tegin trenıń bastaldy.
«200 mektep muǵalimi aptalyq oqýdan ótedi. Olar úshin 3D modeldeý jáne robototehnıka negizderi oqytylady. Sondaı-aq jobalardy qurý jáne iske asyrý úshin Autodesk 123D Design baǵdarlamasyn paıdalaný úıretiledi. Mentorlyq pen trenıńti ınformatıka, robototehnıka jáne 3D-modeldeý salasyndaǵy sarapshylar, onyń ishinde muǵalimder, ýnıversıtet oqytýshylary jáne robototehnıka klýbtarynyń basshylary júrgizedi», - dep atap ótti «Daryn» RǴPO dırektorynyń orynbasary Aıgúl Qarqulova.
Trenıń sońynda fınaldyq týrnır ótedi. Onda qatysýshylardyń jetistikteri men shyǵarmashylyq jumystary kórsetiledi. Muǵalimder oqýshylarmen birge komandalar qura otyryp, óz jobalaryn usynady.
Joba Qazaqstandaǵy AQSH elshiliginiń qoldaýymen jáne QR Oqý-aǵartý mınıstrligi «Daryn» RǴPO-men yntymaqtastyqta uıymdastyryldy.