Nátıjesi - 27,16 sekýnd.
Búgin Samarqand qalasynda TJM áıelder quramasy órt sóndirý-qutqarý sporty boıynsha VII álem chempıonatynyń jaýyngerlik qanat jaıýda chempıon atandy, dep habarlaıdy Almaty-akshamy.kz Elorda.info-ǵa silteme jasap.
Áıelderden quralǵan 4 komanda jaýyngerlik qanat jaıýdaǵy birinshilik úshin jarysty. Órt sóndirý-qutqarý sportynyń bul komandalyq túri órtke kelgen kezde órt sóndirýshilerdiń is-áreketterin qaıtalaıdy. Bul kezeńnin máni – magıstraldyq jeńqubyr jelisin tez ári durys tóseý jáne nysandy sý aǵynymen «zaqymdaý». Nysana ortasyndaǵy tesik arqyly syıymdylyqty on lıtr sýmen toltyrǵannan keıin zaqymdanǵan bolyp sanalady.
Áıelder komandalary arasyndaǵy jarys Qazaqstan qurama komandasynyń jeńisimen aıaqtaldy. Nátıjesi 27,16 sekýndty qurady.
2-oryndy Reseı Federasıasynyń komandasy, 3-oryndy Belarýs jáne Ózbekstan Respýblıkasynyń qurama komandalary ıelendi.
Este sala keteıik, 1 qazanda Ózbekstannyń Samarqand qalasynda erler arasynda órt sóndirý-qutqarý sportynan XVII álem chempıonatynyń jáne órt sóndirý-qutqarý sportynan áıelder arasynda VİII álem chempıonaty bastaldy.