Indonezıada ótken ınformatıkadan halyqaralyq olımpıadada (IOI) qazaqstandyq oqýshylar 2 kúmis jáne 2 qola medal jeńip aldy.
Bul týraly Oqý-aǵartý mınıstri Asqat Aımaǵambetov óziniń áleýmettik jelisindegi paraqshasynda aıtty, dep habarlaıdy Almaty-akshamy.kz Elorda.info-ǵa silteme jasap.
«Bul bedeldi olımpıadaǵa bizdiń 4 oqýshy qatysty. 90-ǵa jýyq elden kelgen 350-den astam qatysýshynyń basyn qosqan jarysta 4 oqýshymyz da júldeli oryndarǵa ıe boldy. Oraldyq Jambyl Maqsotov pen semeılik Muhammadarıf Sahmoldın kúmis, al almatylyq Van Lı men Taımas Qorǵanbaev qola júldeni ıelendi. Oqýshylarymyzdy jańa joǵary nátıjelerimen jáne laıyqty marapattarymen quttyqtaımyn. Ata-analaryna qoldaý kórsetkenderi úshin, pedagogterge eńbekteri men kásibı sheberlikteri úshin alǵys aıtamyn», - dedi mınıstr.
Mınıstrdiń aıtýynsha, qazaqstandyq oqýshylardyń 2022 jyly eń bedeldi halyqaralyq olımpıadalarda jeńip alǵan medaldarynyń sany rekordtyq kórsetkishke jetti.
Aıta keteıik, Qazaqstan quramasynyń qorjynynda 27 medal bar, onyń ishinde 3 altyn, 15 kúmis jáne 9 qola.
Bıyl alǵash ret Prezıdenttiń qoldaýynyń arqasynda halyqaralyq jarystardyń jeńimpazdary 4,5 mln teńgege deıin qomaqty aqshalaı syıaqy men UBT tapsyrmaı-aq JOO-da oqýǵa grantqa ıe bolady.