Gonkongtegi FIRST Asia Championship halyqaralyq chempıonaty aıaqtaldy.
Oǵan 45 el men 210 komanda qatysty, dep habarlaıdy aqshamnews.kz Oqý-aǵartý mınıstrligine silteme jasap.
Elimizdi LEAS mektebiniń Aldebara Almaty komandasynyń ókilderi Arken Amangeldi, Eskendir Gılmýndınov, Arlan Jaqsybergenov, Mark Ýlánov, Martın Vasılev, Sabına Abylaı tanystyrdy. Jattyqtyrýshylary – Ramına Sabırova jáne Balǵyn Isaqoja.
Oqýshylar ǵylymı jobasyn ónerdegi jańashyldyq taqyryby boıynsha usyndy. Joba mýzeıler, kórmeler men ınstallásıalarda yńǵaıly jáne qarapaıym qozǵalysqa arnalǵan shynaıy kórinis beretin qosymsha múmkindigi bar navıgator retinde tanystyryldy. Qazaqstandyq ınjenerlerdiń jobasy halyqaralyq qazylar alqasynyń oń baǵasyna ıe bolyp, bedeldi Team Model Award syılyǵyn alyp keldi.
Esterińizge sala keteıik, komanda halyqaralyq chempıonatqa Qazaqstan Respýblıkasy Oqý-aǵartý mınıstrliginiń qoldaýymen USTEM Foundation qoǵamdyq qory men «Daryn» RǴPO uıymdastyrǵan Central Asia FIRST Championship Ortalyq Azıa chempıonatynda joldama aldy.