Almatynyń Jetisý aýdanynda jylý jelilerine jóndeý jumystaryn júrgizý úshin Pavlodar kóshesiniń boıyndaǵy ýchaskelerdiń birinde kólik qozǵalysy ýaqytsha jabylady
Almatyda jylý jelilerindegi jóndeý jumystary kezinde Pavlodar kóshesiniń boıymen kólikterdiń júrýine ýaqytsha shekteý qoıylady
Almatyda 1981 jyldan beri paıdalanylyp kele jatqan qubyrdy aýystyrý úshin Pavlodar kóshesinde kólik qozǵalysy shektelmek
Almaty qalasynyń Jetisý aýdanynda 8 tamyzdaǵy saǵat 23:00-den 19 tamyzdaǵy 12:00 aralyǵynda Pavlodar kóshesiniń boıymen Maqataev kóshesinen bastap Pavlodar kóshesindegi №136 úıge deıingi aralyqta kólik qozǵalysy shekteledi. Eki baǵytta da kólik qozǵalysy jabylady.
Ýaqytsha shekteýler 1981 jyldan beri paıdalanylyp kelel jatqan, Pavlodar kóshesindegi jol bóliginiń astynan ótetin uzyndyǵy 2135 metrlik qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý úshin engizilmek.
Bul qubyr 344 kóppáterli turǵyn úıdi, 11 bilim berý nysanyn, 3 densaýlyq saqtaý nysanyn jáne 483 basqa nysandy jylýmen jáne ystyq sýmen qamtamasyz etedi .Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýlaryńyzdy suraımyz.
«Almaty jylý júıesi» JSHS