Qazaqstandyq oqýshylar fızıkadan halyqaralyq olımpıadada 1 altyn men 4 kúmis medal jeńip aldy.
Bul týraly Oqý-aǵartý mınıstri Asqat Aımaǵambetov Facebook paraqshasynda jazdy, dep habarlaıdy Almaty-akshamy.kz Elorda.info-ǵa silteme jasap.
«Ulttyq quramamyzdyń qorjyny taǵy da medaldarmen tolyqty. Oqýshylarymyz keremet nátıje kórsetip, fızıkadan halyqaralyq olımpıadada (IPhO) 1 altyn jáne 4 kúmis medal jeńip aldy. Jarys Súrıh qalasynda (Shveısarıa) 10-15 shilde aralyǵynda ótti. Elimizdiń namysyn 5 oqýshy qorǵady. Olar 75 elden kelgen 368 jasóspirimmen synǵa tústi. Balalarymyz ótken jyly 5 kúmiske ıe bolǵan edi. Osylaısha bıyl oqýshylarymyz byltyrǵy kórsetkishti jaqsarta aldy. Ulttyq qurama qorjynyna altyn medaldi Danııl Shatohın, kúmis medaldi Ersultan Pitebaı, Vladımır Lım, Dinmuhammed Rahymjanov jáne Rızabek Alpamys ákeldi», - delingen mınıstrdiń jazbasynda.
Aımaǵambetov oqýshylardy úlken jetistikterimen quttyqtady.
«Osyndaı bedeldi halyqaralyq olımpıadalardyń jeńimpazdary aqshalaı syıaqy alyp, ulttyq joǵary oqý oryndaryna UBT tapsyrmaı-aq grantqa túse alatynyn eske sala keteıin. Sonymen qatar júldegerlerdiń pedagog-tálimgerleri de tólem alady», - dep jazdy Asqat Aımaǵambetov.