Saraevo qalasynda (Bosnıa jáne Gersegovına) 22 eldiń oqýshylary qatysqan Balqan halyqaralyq matematıkalyq olımpıadasy (BMO) aıaqtaldy.
Qazaqstandyq oqýshylar el qorjynyna úsh kúmis jáne úsh qola medal salyp, 100% kórsetkish kórsetti, dep habarlaıdy aqshamnews.kz.
Qazaqstan quramasy jalpy alty júlde ıelendi:
Kúmis júlde ıegerleri:
• Amır Sahıpov — Almaty qalasyndaǵy RFMM-niń 11-synyp oqýshysy;
• Marǵulan Sharel — Astana qalasyndaǵy Spectrum mektebiniń 11-synyp oqýshysy;
• Eldar Úsenov — Almaty qalasyndaǵy Nazarbaev zıatkerlik mektebiniń 10-synyp oqýshysy.
Qola medal ıegerleri:
• Damır Nurlanov — Aqtaý qalasyndaǵy Nazarbaev zıatkerlik mektebiniń 12-synyp oqýshysy;
• Ámirlan Amanjolov — Almaty qalasyndaǵy Haileybury mektebiniń 11-synyp oqýshysy;
• Berdibek Orynbasar — Atyraý oblysyndaǵy №1 «Bilim-ınnovasıa» lıseıiniń 10-synyp oqýshysy.
«BMO olımpıadasyna qatysý – Qazaqstan quramasynyń shilde aıynda Avstralıanyń Kvınslend qalasynda ótetin halyqaralyq matematıkalyq olımpıadaǵa (IMO) daıyndyǵyndaǵy mańyzdy kezeń. Memleketke jas talanttardy qoldaǵany úshin, sondaı-aq ustazdaryma jáne barlyq jattyqtyrýshy komandaǵa kásibı daıyndyq úshin shyn júrekten alǵys aıtamyn», – dedi olımpıadanyń kúmis júldegeri Marǵulan Sharel.
Ulttyq quramanyń jattyqtyrýshylary – Asylbek Isahov pen Muhtar Qabaq.
Esterińizge sala keteıik, bul – qazaqstandyq oqýshylardyń ekinshi rekordtyq nátıjesi. 2024 jyly da olar úzdik úshtikten kóringen bolatyn.